زبان‌های محلی اشعار مازندرانی

[SHAGHAYEGH]

تِلا وَنْگ بَزو ، فِرو بُورْده شُو ، مِه یار نِمو
دِل پِره دَرده ، نُور ره بَوِرْده ، مِه چِشمه سُو
بَس که هارِشیمه دِرازه راه ره
بَس که وَنْگ هِدامه جانه خدا ره
دِل بَیّه لِر، درد بَیْته سَر
کِه ره بَووهِم شه حال وزاره
خدایا بَرِسِن مه جانه یار ره
دِلداره سه دِل زَنّه پَر
هاکِرده غم مه دِل ره پِر ، شه جانه جا بَهیمه سِر
خدا مه یار دَره کِجه ، هاکِرده چه وِه اَنْده دِر
♂شیشِک بَیّه گوم شو بَیّه تِموم ، وا بَیّه روز
آفتاب بَزو سَر ، روجا بَیْته پَر ، دِل دارْنه سو
مثال چِلچِلا دِل زَنّه پَرپَر ، خوانه پَر بَکِشه یاره خانه سَر
وِه هَسّه مه دله قِرار
خستگی دَر شونه مه تَنْجه وِلّا
وقتی که یار گِنه خدا قوت یار ، خدا وِره مِوِسّه دار
اِنا اِنا مه جانه یار که اِسّائه مه انتظار
بِرو بِرو هِنیش مه وَر ، که بَیْره تا مه دل قِرار
رَفت و روش وَسّه ، اَی وُونی خَسّه ، مه وَر هِنیش
♀غُصّه نِدارْمه تا تِه ره دارْمه شه چِشه پیش
ته مه چِشه سو و دله قِراری
مه ره پیر هاکِرْده چشم انتظاری
دِرازه شو نَشومْبه خو
♂چَنْده پِرمِهری و شیرین زِبونی
به قربون ته و ته مهربونی
ته نَوی مه چِش نِدارْنه سو
ته هَسّی مه دله قِرار ، مِنو بِهار مه جانه یار
بِرو که دم غنیمِته ، فَلِک نِدارْنه اعتبار




[ مهدی درخشانی منصورکوهی ]

 

انجمن رمان نویسی دانلود رمان

[SHAGHAYEGH]

بورم یزد و ته وِ یزدی بیارم ته وسّه مخمل عالی بیارم


کاری نکن ته سر وسنی بیارم ته ململ چش ره عصری بیارم





ته بوردن بوردن آ مه هارش هارش قشنگ کیجا جان دنبال ره هارش


کهو آسمون ره کمبه سفارش ته بوری بین راه دئیره وارش





سر تپه نماز کند کیجا جان کمر ره دلا راس کند کیجا جان


خدا جه التماس کند کیجا جان مه ره شِه ور دراز کند کیجاجان





اونجه ته اسّایی مه روبروئه ته تن کت و شلوار رنگ کهوئه


اگر دونم این عاشقی دروئه یک مثقال تریاک این جان گروهه





دیاری دیاری نزن اشاره دشمنون بیتنه دور اماره


الهی دشمن دل بووئه پاره من آ ته عاشقی ندارنه چاره





اگر مه ره خوانی شب تار برو ندارنی وسیله با قطار برو


اگر دشمن بهیته سر راه ره هاکن میون برو آب دریاره





برو تا گندم یک دانه بویم برو تا اب رودخانه بویم


همین که شو بیّه دستی به گر*دن که روز روشن بیه بیگانه بویم



[ مهدی درخشانی منصورکوهی ]

 

انجمن رمان نویسی دانلود رمان

[SHAGHAYEGH]

عمو نوروز بره مرغنه جنگی


بزن بشکن درو و دل ده رنگی


ات کل دت کل سه تا چارتا نووشه


پایین تا بال مله رسوا بووشه


سیوئی اسبه دیمه رو نیئنه


تیلاشی دل خنه ره سو نیئنه


بزن بشکن رنگی هاکرده کله


نشون هاده وه رسماسیه دل ره


بشکسه مرغنه هاکرده خنه


نکرده استخاره بوی مارمه


اته بیار ونوشه بک و بو ره


روشن هاکن خنه بی سک و سو ره


بشن او کنای سر مشت هاووشه


روشنگ چرخ هاییره وشت هاووشه


همیشگ پنجره ور خو بووشه


نو سال توم بووئه تا شو بووشه


بزن بشکن بخون کنا به کنا


بخون خار خار بخون دل دل بوو وا


((باد بهارون بیئمو


نوروز سلطون بیئمو


مژده دهید دوستون


گل در گلستون بیئمو


مشت عموی با خدا


ایشالا بوری کربلا


باد بهارون بیئمو


نوروز سلطون بیئمو))


ته کیسکاگ مشته مشته عمو نوروز


خداوری ته ور شوئه یا گه روز


جمع هاکن بشکنی کل و سیو دل


دوش هاییر پید ساله هچی سرچل



[ مهدی درخشانی منصورکوهی ]

 

انجمن رمان نویسی دانلود رمان

[SHAGHAYEGH]

تو مه جان ماره ته دا بمیرم همش سبزه زاره ته دا بمیرم

اگه دنیا سوز و سرما بوو همیشه بهاره ته دا بمیرم

نه نه ماه و نه روز تا که گت بووم ته مِر بی قراره ته دا بمیرم

اته راحت خو تنه آرزو تو شو زینّه داره ته دا بمیرم

اته دل به پش تو نخارده غذا همش لقمه خواره ته دا بمیرم

ته دس مشت اوله ته دوش وچه همش فکر کاره ته دا بمیرم

ته کار و ته زحمت چه بی منّته خب پرستاره ته دا بمیرم

جان مارا ته کشه ی خوی دا مه دلّ قراره ته دا بمیرم

خبی وینه بیه ته ور قرض گیرن چونکه انّه خاره ته دا بمیرم

همه ی غم و غصه ره دارنه دل کوی استواره ته دا بمیرم

تَ فرق نکنه و چه خار و بد چنّه با وقاره ته دا بمیرم

تِ ارمون اینه جمع بوون وچیله همه ی غمخواره ته دا بمیرم

اگه پر دنیّوو خنّه ی امید تو هم پرو ماره ته دا بمیرم

ته شرمنده مِ چی بوام جان مار تو چشم انتظاره ته دا بمیرم

بهشتم ته مزّ کچیک و کمه تو پره براره ته دا بمیرم

جلالیِّ ارمون اینه نوینه و چه ی بی ماره ته دا بمیرم

فرهود جلالی کندلوسی

 

انجمن رمان نویسی دانلود رمان

[SHAGHAYEGH]

چاربیداری کمه شبگیر به شبگیر دست ره یاسه بورده دوش ره زنجیر

دتردارونه دل ره بخره تیر منه مرد جوون ، زار زار بیمه پیر

-----

ته بالای تلار من در زمینم ته نارنج قلم من در کمینم

چله ره ول هاکن نارنج بچینم صد و سی تا خش ره ته رو دچینم

-----

لمپا که کم سوئه یک عیبی دارنه فتیله کتاهه یا نفت ندارنه

شما بورین بوین یوری کیجاره اتی نفت دکنه امه لمپاره

-----

خورده وچه بیمه مر نیه حالی همه فکر زن و من فکر بازی

اسا هم که مره بهییه حالی مله کیجائون بهینه خالی

-----

چچی گنی مره اشنونه مه دل بالا مله خوندنه م*ست بلبل

م*ست بلبل بخون یک حال دیگر مه دل دره درد امیر و گوهر

 

انجمن رمان نویسی دانلود رمان

[SHAGHAYEGH]

مه دل تنگه سر هادِ شه صدا رِ
بزن ساز و دم هادِ لله‌وا رِ


ته جا بلبل گلي به گلي نونه
ته نخوندي پيله ، پاپلي نونه
بي ته لاله و لمپا سو ندنه
...ونوشه اسبه بونه ، بو ندنه

بهار وائه پيغومِ پِه اني
هلي اسبه جِمه رِ دوجني
بهار گله‌ي بچا بچايي
ميا گيرنه مه دل ته بي‌صدايي
خل توم گوم بيمه ، مه ويشه تِئي
نوج بزه پيتومه ، مه ريشه تِئي

برو بي ته سو آ صفا ندارنه
تناري گلي ونگا وا ندارنه

مه دل تنگه دم هاده لله وا رِ
بزن ساز و دم هادِ شه صدا رِ
مه دل تنگه سر هادِ شه صدا رِ

 

انجمن رمان نویسی دانلود رمان

[SHAGHAYEGH]

مه یار قهر بکرده نخرنه غذا//دستمال دست هیرم هاکنم عزا
همه یار بهیتنه شه دل رضا // من بورم یار بهیرم با جنگ و دعوا

کیجا وَنگ دِنه شِه سِره سیکاره//ریکا به صحرا گِنه مِن تِه بِلاره​

//الهی سیکا مَرگی دَکِفه شِماره//مردم ریکا نَوءِ مِن تِه بِلاره​

سه پنج روز پونزِه بیِه تِه نِمویی /تیرِماه سیزّه بیه ته نمویی
///مرِه وَدِه هدایی سَرِخرمِن /خرمِن کَربزه بیّه ته نمویی​

بپیسه آسمونه مونه مه دل//کاشم بزوهه نون مونه مه دل
سوایی تا نماشون برمه کنه//غریبه آدمونه مونه مه دل​

ته ره باتمه نپوش مل مله جمه
تره باتمه نشو کوهیه خانه
فردا باهار وونه کوهی شونه کوه
تیناری رختخواب چش نشونه خو
تیناری رختخواب چش نشونه خو​

 

انجمن رمان نویسی دانلود رمان

[SHAGHAYEGH]

قالي سَرْنيشْتي،كُوبِ تِريرِهْ يادْدارْ اَمسالِ سيري،پارِوَشني رِهْ ياد دارْ

اَسبِ زينْ سِوارْ دُوشِ چَپي رِهْ يادْ دارْ چَكمِهْ دَكِردي،لينگِ تَلي رِهْ يادْ دارْ



سَرْرِهْ بَشِسّي،زِلفُونْ رِهْ غيش بِساتي اَلْماسْ دينْگوُئي،دِلْرِهْ خِريشْ بِساتي

هِزارْبيگانِهْ رِهْ، شِهْ وَرْ خويشْ بِساتي مِهْ جا بَرِسي ، خَوْدْ رِهْ دَرْويشْ بِساتي



تيـرِنگْ بَديمِهْ كِهْ ويشِهْ نيشْتِهْ بيِهْ بَوتِمِهْ تيرِنْگْ !تِهْ مِدِّعاچِهْ چييِهْ

مِهْ ديمْ سِرْخِهْ ، مِهْ گِرْدِنْ هَلي تي تيِهْ هَرْكَسْ عاشِقْ بوُ،دُونّهْ مِهْ دَرْدْ چِه چييِهْ



اَمْروُزْ چَنْدْ روُزِهْ ، دوُسْتِ گِموُنْ نِدارْمِهْ وَحْشي بَئيمِهْ دينُ وُ ايموُنْ نِدارْمِهْ

وِنِـهْ شِـهْ بـوُرِمْ ، بَـلِدِاوُنْ نِـدارْمِـهْ شِهْ دوُسْتِ مِنْزِلْ رِهْ، مِنْ نِشوُنْ نِدارْمِه

 

انجمن رمان نویسی دانلود رمان

[SHAGHAYEGH]

نِماشونِ سَرِه - زَنبِِه لَــلـِـه وا پاپلی تَـلِم ره - کِمبه وَنگ وُ وا
پاپلی تلِم ره – بَی رِین بَروشِین زری بَی رِین - ماما نِه تن دَپوشین

ترجمه : شامگاه هست و من نی لبک می زنم پاپلی ! ماده گاو جوان را فریاد می زنم.
این گاو زیبا را که چون بال پروانه، رنگارنگ است، بفروشید! با بهای آن پیراهنی طلایی بر تن معشوق من کنید.

غم و غصه مِه دل - لِه پـر ها کرده کدورت مه زانو – ره شل ها کرده
مه یار در غریبی - منزل هاکرده مه ره نو بهاره - بِل*بِل ها کرده

ترجمه: قلب من مملو از غم ها و غصه ها است دلتنگی زانوهای مرا، سست کرده است
اقامت یار من (دور از من ) در محلی بیگانه است (او آوازه خوان) کرده مرا چون بلبلی در نوبهاران!

 

انجمن رمان نویسی دانلود رمان

[SHAGHAYEGH]

بَئووِم چلچلا، پَر بَزِنِم پَر
شِه يارِ بَويِنم راحات نِلِم سر

سرٍِِكوي بالا دار داشته هَلي

بوردِمه بَچينِم، لينگ بوردِه تلي

الهي بميره صاحب تلي

كه نِشته مِن بورِم شه يارِ پَلي

تِوِسّه خواستِنه مِره بَكوشن

كَفِنِ غريبي مِه تن دَپوشِن

كفِنِ غريبي صدر هستا كافور

آرزوي تِره ونه بَرِم گور

مِه گوشته بَوِرين دِهات به دِهات

همه ره كم هادين مه يارِ زياد

 

انجمن رمان نویسی دانلود رمان