زبان‌های محلی اشعار مازندرانی

[SHAGHAYEGH]

ته دسه هيمه و رسن بورده ته قد نشاء و خرمن بورده
اتا دم راحت دنيا نکردي ته عمر صحرا بتتن بورده
*************
لالالالا خسه تن بلاره شه مار بوي پيرن بلاره
*************
ته مه گره دايي توئه بلاره ته شو مسه نشي خوئه بلاره
مسه لالا خوندسي تا صواحي مسه داشتي آرزوئه بلاره
*************
لالا دل دارنه ارمونه بلاره بي ته دنيا مه زندونه بلاره
*************
ته دوش مشته هيمه، من ته بلاره ته دس پره پينه، من ته بلاره
يا نشاء کردي يا مال په دئي ته سر ا تن خسه، من ته بلاره
*************
لالا چش مشته اسري بلاره ته مه دنياي خشيه بلاره
*************
افتاب ته دل گوشه نوونه بهار ته دسه ونوشه نوونه
اگه دنياي خشي مه بووشه جان مار گرم کشه نوونه
************
لالالالا شه غمخواره بلاره اسا ونه تن نخاره بلاره

 

انجمن رمان نویسی دانلود رمان

[SHAGHAYEGH]

امیری

اول بوم بسم الله نوم خداره

صلوات برس بر محمد صل الله ره

خـــله مــرد خامبه جـواب بوه الهی

یـــونس پیغمبر دره شکم مـاهـــی

دریا پشت آب بند و آب پشت ماهی

مـــاهی پشت آب بند و ســر الهی

***

بـوم یا علی سو دکفه امــته دل

علی بالــه ماس هسه قیامت پل

قیامت پل یه مـــــــوی نازکی یه

چند تا بی نماز اون پـله یور نشی یه

***

حسن و حسین (ع) فاطمــــه بزاره

عجب نوری پاک داشته وشـــون دتاره

امیر المومنین (ع) وشــــون بابا هـه

ونگ هکنم ونه خــــــواره صـــــداره

***

امیر باته یک بار بــــــــورم جوون بهووم

کله سنگه دشته جــــــوون بهووم

بورم مدرسه قرآن خــــــــــون بهووم

پیش محمد(ص) رو گــــــــــردون نهووم

***

ناماشـــون صحرا وا دکته صحـــــــراره

داره چله چـــــو بورده مه قــــواره

تازه بـــــوره شیر دکفه مــــه پلاره

خبر بمـــــــو ورگ بزو مــــه گیلاره

***

دریــــــوی کنار بدیمـــــــه یک ستاره

قنبر جلـــــو دار شاهــه مردان سواره

شاهــــــه مـــــردان برس مه مدعاره

بــــورم کشه بــــــزنم قبر امام رضاره​

 

انجمن رمان نویسی دانلود رمان

[SHAGHAYEGH]

چاربیداری کمه شبگیر به شبگیر دست ره یاسه بورده دوش ره زنجیر

دتردارونه دل ره بخره تیر منه مرد جوون ، زار زار بیمه پیر

-----

ته بالای تلار من در زمینم ته نارنج قلم من در کمینم

چله ره ول هاکن نارنج بچینم صد و سی تا خش ره ته رو دچینم

-----

لمپا که کم سوئه یک عیبی دارنه فتیله کتاهه یا نفت ندارنه

شما بورین بوین یوری کیجاره اتی نفت دکنه امه لمپاره

-----

خورده وچه بیمه مر نیه حالی همه فکر زن و من فکر بازی

اسا هم که مره بهییه حالی مله کیجائون بهینه خالی

-----

چچی گنی مره اشنونه مه دل بالا مله خوندنه م*ست بلبل

م*ست بلبل بخون یک حال دیگر مه دل دره درد امیر و گوهر

 

انجمن رمان نویسی دانلود رمان

[SHAGHAYEGH]

خامبه ماه بَووئم بالای سَر دَووءِم صیادِ دِل بَسووزِ

خامبه آفتاب بَووئم تی خِنِ سَر دَووءِم صیادِ دِل بَسووزِ

خامبه مِه بَووئم هَمِش سَفر دَووءِم صیادِ دِل بَسووزِ

خامبه الله بَووم تی دِلِ سَر دَووءِم صیادِ دِل بَسووزِ

خامبه ماهی بَووم تی حوضِ سَر دَووءِم صیادِ دِل بَسووزِ

چِلچِلا بَووئم تی نالِ سَر دَووءِم صیادِ دِل بَسووزِ

چادر سیا بَووم مِن تِنِه سَر دَووءِم صیادِ دِل بَسووزِ

خامبه سِرمِه بَووم تی چِشِ وَر دَووءم صیادِ دِل بَسووزِ

خامبه آهو بَووم مِن صَرا سَر دَووءِم صیادِ دِل بَسووزِ

کبوتر بَووءِم دار دارِ سَر دَووءِم صیادِ دِل بَسووزِ

کبک کوهی بَووم کِرکِره سَر دَووءِم صیادِ دِل بَسووزِ

خامبه گوشوال بَووم تی گوشِ وَر دَووءِم صیادِ دِل بَسووزِ

خواب شیرین بَووءم مِن نِصفِ شو دَووءِم صیادِ دِل بَسووزِ

خامبه چِشمه بَووم آبِ وِضو بَووءِم صیادِ دِل بَسووزِ

آینِه بِواشِم تی روبرو دَووءِم صیادِ دِل بَسووزِ

 

انجمن رمان نویسی دانلود رمان

[SHAGHAYEGH]

صواحي که وونه، آسوک و لرزون

باجي‌خاله سره جم انه بيرون
*****
چشّه دس کشنه تار و سياهه

ديروز افتاب بي‌ يه امروز مياهه
*****
ونه سر غمزه و دسمال به گر*دن

جليقه‌ي پيله وه دارنه درزن
*****
کلش کنده، ونه سينه خرابه

نتونده بخسه، وه ره عذابه
*****
سيو شوي ميون تک‌تک کلش

اتّا مرغنه هسّه ونه خرش
*****
احمدي دسته‌گاري داشته پارسال

وه پيش‌پيش شي‌يه وُ باجي به دنبال
*****
کُنه رويي، کُنه لوه، کُنه مس

همه گاريِ تن شريک ‌جه دَوس
*****
نوشابه شيشه و سانديسِ کارتن

خرينه ديکونا جه مفت و ارزون
*****
وشون گاري که پر بيّه نم‌نم

شي‌نه جوکّي‌مله پيش محرّم
*****
احمدي چونه زنده باجي نيشته

کلش کنده که بَي ته اَتي ويشته
*****
هوا تاريکِ شوئه، بي‌صدائه

باجي دسته‌گاري ره توک هدائه
*****
ونه چش اسري‌يه، برمه نکنده

باجي دنيا ره بدجور خنده زنده.

*****

 

انجمن رمان نویسی دانلود رمان

[SHAGHAYEGH]

کیجا جان بِشناستِمِه ته سازِ صدا

بیَمومه بِریم هاکردمه سِما
*****
الهی ته عاروسی بَوه عزا

ته رخت دَپوشِن سید و مُلا
*****
پنبه جارِ دِله ندومبه کی خوندِنه

وِنه صدا چَنده یارِ موندِنه
*****
شِمان بورین بارین کِنه وِه خوندِنه

این بی حیاگیری وِنه وه موندِنه

 

انجمن رمان نویسی دانلود رمان

[SHAGHAYEGH]

امیر بئوته مه کار توکلیه توکل******بر خدا مدد مه یاعلیه

گننم دکاشتمه ملخ گر*دن بوریه*****غصه کار دنیا بخردن بی عقلیه

امیر بئوته مه مش وسه هزار بو***** مه نر کاهن مه کل وسه کاهار بو

دماوند کوه مه راغون اممار بو***** راغون بار هکرد امیر مه چارودار بو

فقیر بمیره هیچ کی خور ندارنه**** عروسی دارن سازو چمر ندارنه

سر شه برار هم خور ندارنه**** هفت پشت غره جای دیگر ندارنه

بلبل بئوته مه تن اتتا مثقاله**** مه مثقال تن هزار فکر و خیاله

هر کس عاشقی نکرده وه مرداله**** صدسال دووشه و فلک حماله

الان چند روزه که سروشته مه دل***** بی قراری مره هاکرده مطل

دوشن بزنم جمع بوه حاصل**** خیال خش بورم شه منزل

نماشون سر وره ره مار بزومه**** دریوی کلاک خد ره کنار بزومه

دست بر دامن پروردگار بزومه**** دوس سره پیش دل ره انار بزومه

 

انجمن رمان نویسی دانلود رمان

[SHAGHAYEGH]

امسال گت چله شو ، بی سرصدا ...​

برو تا دلخشی ور جا بهیریم

چله شوره بی سرصدا بهیریم

برو تا سالدیگه خدا بخواسه

همتـایی خنـه یلـدا بهیریم



به فارسی ...



بیا امسال بدون سرصدا و دور از اطرافیان جشن شب یلدا را بگیریم و در کنار هم دلخوش و سلامت باشیم.

بیا تا سال دیگر اگه عمری باقی ماند در کنار هم جشن یلدا بگیریم.


***

شاعر :میر حمزه طاهری هریکنده ای نوپا​

 

انجمن رمان نویسی دانلود رمان

[SHAGHAYEGH]

اول فردینه ماهه سال نوهه مازرون
جم بهینه شادی کنه همتا پیر و جوون
ر*ق*ص و بازی مشته سرنا و للوای چمر
خنده خشحالی دپیته از بنه تا آسمون

ترجمه فارسی
اول فردینه ماه آمده و برابر با دوم مرداد ماه و سال جدید تبری می باشد و همه جا جشن و شادی بر پا شده است.
بازی های محلی و ساز و نوا بر پا شده است و خوشحالی در همه جای ایران مهیا شده است.

شاعر: میر حمزه طاهری هریکنده ای نوپا

 

انجمن رمان نویسی دانلود رمان

[SHAGHAYEGH]

دل ره صحرا بدایی داز و فکا گیرنی شه دوش
اسبه سارخ چوی تن نون و پلا گیرنی شه دوش

دلت حال و هوای صحرا را کرده و وسایل کشاورزی در دستان توست و در پارچه سفید غدایت را به همراه داری.

بیل و گروازه شه دوست و رفق دوندی آقا جان
خسه تنه دیینی تور و حلا گیرنی شه دوش

پدر عزیزم بیل و داس را خیلی دوست داری و به هنگام مراجعت به خانه با تنی خسته هیزم ها را به همراه داری.

تور و تاشه هنه کوله سو هداهه ته بوین
ناماشون دیمه خنه پیته قوا گیرنی شه دوش

با وجود تبر و تیشه زمینها آباد شده است و به سوی خانه آمدن کت کهنه را روی دوشت می گیری.

لله چو دیمه صحرا دسه عصا هسه تره
سنگین کنده چوره یا مرتضی گیرنی شه دوش

با نی که در دستان تو به سوی صحرا همانند عصا می باشد و چوب بسیار بزرگ را با صدای یا علی بلند می کنی.

تنه تو کار بدایی خسه نواش من ته فدا
همه ره راهه خدا بی سرصدا گیرنی شه دوش

خیلی زحمت می کشی و من فدای تو بشوم و این کارها را بی سر و صدا انجام می دهی.

مسه چش وا هکنی لطف خداره اشنی
کیسه کیسه روزی ره نومه خدا گیرنی شه دوش

چشم های عاشقانه ات را باز کن تا لطف خدا را ببینی و این همه روزی در کارت را با لطف و برکت خدا مشاهده می کنی.

اونقدر مسه کار هسی خسگی نارنی وجود
دوندی کر دسه ره کوفا کوفا گیرنی شه

اونقدر مشغول کاری که خستگی را احساس نمی کنی و همیشه به فکر کار هستی

 

انجمن رمان نویسی دانلود رمان